Bludno, vulgarno, neobjavljivano - Drago Debeli Orlić i Nadan Rojnić poli Ferlina

Četrtak, 12.1.2017. u kvarat do 7 zvečer poli Ferlina

Šikuti Machine vas i u ven litu pozivaju na druženje s Dragon Debelin Orlićen ki se nanka pokle tri šikutska četrtka ni štufa. Vi četrtak će mu kuraja dati Nadan Rojnić pak će prežentati zajednički besida-crtež projekat: bludno, vulgarno, neobjavljivano.

Spešl gest star je dotur Edi Terlević ki ne samo da nan je zličija Orlića nego će tu večer sviriti saksofon i harmoniku.

Kuraja,

Pekica

Noel Šuran z Mihon za svakega

četrtak, 22.12.2016. u kvarat do sedan zvečera, Oštarija Ferlin, Savičenta

Pokle tri prelipa poetska četrtka z Debelin Orlićen, smo napensali činiti glazbenu pauzu zuz multifunkcionalnega nefokusiranega Noela Šurana ki će prežentati svoj projekt Mih za svakega. Zuz njega će o projektu kušeljati Dario Marušić, Goran Farkaš i Zoran Karlić. Sve skupa će peljati Mario Benčić. 

Na meniju su kobasice ud tovara aš se u Istri tovari sapinju s kobasicami.

Alora u četrtak u kvarat do sedan, ku morete, dojdite.

Kuraja,

Pekica

Orlić Drago (treti put)

Četrtak u kvarat do 7 zvečer poli Frlina

Kako smo i ubećali, gremo naprid. Smo bili rekli libar poezije Ešerihi choli, ma kako ni riva doj z štampa van ćemo čitati na šporko – Zprintana ešerihi Drage Orlića. Libar je sakramenski, aš sve ča čini Orlić je štabelo, pak va literatura z špitala ne more biti debula.

Izložbu fotogafij će vi put imati senjora Jelena Vojinović, ki kako govori moj drug Andi Bane z porečkega učilišta da je napro štabela amaterka. Ćemo viti. Drug Vjeko Gašparić je arkiteta-artišta ki je munjen već nego ja aš ja bin diga spomenik Dragi Orliću u pensiru, on mu ga je poša delati zaspravlje. Pak će nan pokazati kako bi to rabilo zgledati.

Dežurni mužikaš Noel Šuran će joped zasviriti i zakantati, a forši će si i Đinicu dopeljati, pak će biti plesa. Za ništo pod zub će se naj, pak prikurajte doj i budite pravi ku maj morete.

Kuraja,

Pekica

Drago Orlić, Jelena Jekić, Đina Pekica i Noel Šuran - foto i video

Pasani četrtak smo prežentali Orlićevu novu zbirku "Pitanje teksture". Litrate za libar je napravila Jelena Jekić pak smo njoj napravili izložbu.



Sve su popratili Đina Pekica i Noel Šuran sa istrijanskim kantami.

Orlić Drago (drugi put)

Četrtak u kvarat do 7 zvečer poli Frlina

Kako smo i ubećali, gremo naprid. Smo bili rekli libar poezije Ešerihi choli, ma kako ni riva doj z štampa van, vega četrtka ćemo prežentati novi libar poezije Pitanje teksture Drage Orlića. Libar je sakramenski, aš sve ča čini Orlić je štabelo, tako je i u ten libru nikoliko fotografij ke su isto tako lipe i štabele, pak ćemo prežentati i senjoru ka he je činila, a to je Jelena Jekić-Čuturić, Porečanka ku fotografija intereša deboto već ud življenja aš sve ča dela da je veženo uz fotografiju, i fotografija da nju napro ispunjava. Dežurni mužikaš Noel Šuran će joped zasviriti i zakantati, a forši će si i Đinicu dopeljati, pak će biti plesa. Za ništo pod zub će se naj, pak prikurajte doj i budite pravi ku maj morete.

Kuraja,

Pekica

Lipi moji 9, fotografije sa prezentacije

Orlić i Prodan su nan pasani četrtak povidali kako su nastali zvane Lakodelac i la Kost i prežentali zadnju zbirku kolumni Lipi moji 9.

Kako nan je bilo pogledajte na slikami:


 

Drugi četrtak ćemo prežentati još jedan Orlićev libar.

Lipi moji 9 poli Ferlina u kvarat do 7

1. 12. 2016., 18.45 h, Oštarija Ferlin

Inšoma dele šome, da ni Drage Debelga Orlića, bi ga rabilo klonirati, aš me joped tenta da delamo, a nego mi je bilo lipo i vako, lito dan ferij za Šikute. Deboto da bimo bili i cedili, aš nas ni volja niš, ma kako drug Orlić još vajk diha, smo napensali činiti kuku tre giovedi kon Caro Orlić.

Uvi prvi četrtak ćemo prežentati novi libar Lipi moji 9, o ken će ćakulati Orlić, Benčić i Prodan, drugi četrtak ćemo prežentati novi libar poežije Ešerihi koli, a treti četrtak ćemo špjegati zašto Dragi Debelen Orlić triba dignuti spomenik u Savičenti.

Kako i vajk, zaisto da će Noel ča i zakantati, a banak z ingredijenti će biti švedskega duha, pa kad se oni maknu ćemo i mi ča zagristi.

Alora, engnjoj tri četrtka z Debelin u oštariji poli Frlina u Savičenti u kvarat do sedan. Budite jušti i, kako bi reka Orlić, dajte si kuraja ku morete.

Pekica